Qazma şlamı və tullantılarının təhlükəsiz toplanması və daşınması üçün xüsusi konteyner
Drill Solids Box (DSB) neft və qaz sənayesində qazma əməliyyatları zamanı yaranan qazma şlamının (drilling cuttings), bərk qazma tullantılarının və digər sənaye tullantılarının təhlükəsiz şəkildə toplanması, müvəqqəti saxlanması və daşınması üçün nəzərdə tutulmuş xüsusi metal konteynerdir.
DSB konteynerləri qazma meydançalarında, dəniz platformalarında, təchizat gəmilərində və tullantıların idarə olunması sahələrində geniş istifadə olunur. Konteynerlər qazma tullantılarının təhlükəsiz daşınmasını təmin etməklə yanaşı, ətraf mühitin mühafizəsi və istehsalat təhlükəsizliyi tələblərinin yerinə yetirilməsinə kömək edir. Təklif olunan DSB konteynerləri offshore sənayesində geniş tətbiq olunan DNV 2.7-1 standartının texniki tələbləri nəzərə alınmaqla layihələndirilir.
DSB konteynerləri yüksək möhkəmliyə malik polad konstruksiya əsasında hazırlanır və ağır sənaye şəraitində uzunmüddətli istismar üçün nəzərdə tutulur. Gücləndirilmiş karkas sistemi, dayanıqlı gövdə konstruksiyası və keyfiyyətli qaynaq birləşmələri konteynerin yüksək yükdaşıma qabiliyyətini və etibarlı istismarını təmin edir.
Konteynerlər təhlükəsiz qaldırma əməliyyatları üçün xüsusi qaldırma nöqtələri ilə təchiz edilir və kran və forklift vasitəsilə rahat şəkildə daşına bilir. Aşınmaya davamlı döşəmə konstruksiyası və korroziyaya qarşı mühafizə örtüyü avadanlığın uzun istismar müddətini təmin edir.
